मुखवटा

आपल्या समोर जे चेहरे दिसतात
ते चेहरे नसून मुखवटे असतात.

बगळयांच्या मुखवट्याखाली कावळे असतात.
वाघांच्या मुखवट्यांखाली बोके असतात.

हरणाच्या कळपाला घेरणारे लांडगे असतात.
आयत्या शिकारीवर ताव मारणारे गिधाडे असतात.
होऊन गेले ते योगी महायोगी,संत,फकिर
त्यांच्या सारखे पुन्हा होणे नाही

आजच्या घडीला योगीच्या मुखवट्याखाली भोगी असतात.
प्रजनन क्रियेला न शिवणारे ‘योगी’
असे बिंबवणारे ‘भाट’ चाकरीला असतात.

योगी वस्त्र परिधान करुन विविध मार्गांनी
सत्ता भोगणारे सत्ताकांक्षी असतात.
फकिराच्या वेशात गांव लुटणारे
अलिबाबा चाळीस चोर असतात.

आदर्शवादी मुखवट्यांची भळतीच चलती आहे.
स्वत:ला राष्ट्रवादी म्हणवणाय्रांची मोठी गर्दी आहे.
तू राष्ट्रवादी, तू राष्ट्रद्रोही प्रमाणपत्रांची खुप विक्री आहे.
मुखवटे विकणाय्रा बाजार बसव्यांना सुगीचे दिवस आहे.
मोहंमद युसुफ.
९७६४२५००५८.

934 total views, 43 views today